या वर्षाचे शेवटचे सूर्यग्रहण (Surya Grahan ) २१ सप्टेंबर २०२५ रोजी होत आहे. भारतातून हे ग्रहण दिसणार नाही, तरीही ज्योतिषशास्त्रानुसार याचा आपल्या जीवनावर महत्त्वपूर्ण परिणाम होणार आहे. विशेषतः तुमच्या आर्थिक, भावनिक आणि व्यक्तिमत्त्वाच्या क्षेत्रांवर याचा मोठा प्रभाव पडू शकतो. काही राशींसाठी हा काळ विशेष लाभाचा ठरू शकतो, तर काहींना थोडे जपून राहावे लागेल.

२१ सप्टेंबरला होणारे हे ग्रहण कन्या (Virgo) राशीत, अमावस्येच्या (New Moon) दिवशी होणार आहे. हे एक आंशिक सूर्यग्रहण (Partial Solar Eclipse) असल्यामुळे सूर्य पूर्णपणे अस्पष्ट होणार नाही. सूर्यग्रहण २१ सप्टेंबरच्या रात्री १०:५९ वाजता सुरू होईल आणि २२ सप्टेंबरच्या पहाटे ३:२३ वाजता समाप्त होईल. निश्चितच रात्रीचा टाईमिंग असल्यामुळे हे ग्रहण भारतात दिसणार नाही, पण याचा प्रभाव मात्र संपूर्ण जगावर जाणवेल.

ज्योतिषशास्त्रानुसार ग्रहणाचे प्रमुख परिणाम

कन्या राशीचे (Virgo) गुणधर्म – जसे की आरोग्य, शिस्त, तपशीलवार नियोजन आणि शुद्धता – या ग्रहणामुळे अधिक प्रभावी होतील. हा काळ ज्योतिषशास्त्रात “Eclipse Corridor” म्हणून ओळखला जातो, जो जुन्या सवयी आणि विचारांचा अंत करून नवीन सुरुवात करण्यासाठी अत्यंत महत्त्वाचा मानला जातो. हे ग्रहण आत्मनिरीक्षण आणि अंतर्गत बदलांना प्रोत्साहन देते.

या राशींवर सूर्यग्रहणाचा अधिक प्रभाव

खालील राशींवर (Zodiac Signs) या ग्रहणाचा प्रभाव अधिक दिसून येईल:

• कन्या (Virgo): तुमच्या व्यक्तिमत्त्व, आरोग्य आणि उपचारांबाबत अधिक सावधगिरी बाळगा.
• मेष (Aries): कामाच्या ठिकाणी किंवा महत्त्वाचे निर्णय घेताना विचारपूर्वक पावले उचला. कोणताही निर्णय घाईत घेऊ नका.
• मकर (Capricorn): नोकरी आणि घरगुती जीवनात बदल होऊ शकतात. तुमच्या कामाची पद्धत किंवा जबाबदाऱ्या वाढू शकतात.
• मिथुन (Gemini): संवाद साधताना काळजी घ्या, गैरसमज होण्याची शक्यता आहे. भावनिक तणाव वाढू शकतो.
• कुंभ (Aquarius): तुम्हाला विचारांची स्पष्टता आणि नव्या कार्याची प्रेरणा मिळेल.

सूर्यग्रहण काळात काय करावे?

हे ग्रहण भीतीदायक नाही, उलट ते आत्मचिंतन करण्याची आणि स्वतःला अधिक चांगले बनवण्याची संधी आहे. या काळात तुम्ही ध्यान (Meditation) आणि योग (Yoga): तुमच्या मानसिक आणि भावनिक संतुलनासाठी ध्यान, योग आणि प्राणायाम करा.

सप्टेंबर ते डिसेंबरचा काळ ज्योतिषशास्त्रात “Cosmic Reset” म्हणून ओळखला जात आहे. या ग्रहणामुळे अनेक ग्रहांचे संक्रमण होणार आहे. शांतता, आत्मपरीक्षण आणि स्वतःची काळजी घेऊन तुम्ही या काळाचा चांगला उपयोग करू शकता. २१ सप्टेंबर २०२५ चे सूर्यग्रहण हा “वाईट काळ” नाही, तर तो आपल्या जीवनाची नव्याने समीक्षा करण्याचा आणि बदलांना स्वीकारण्याचा काळ आहे.